早幾年就有套以「盧亭魚人」傳說做題材嘅三級電影,阿史就冇睇到,但就不時諗起呢個同香港大奚山有關嘅傳說。

盧亭魚人,又叫做盧餘,係一種傳說中半人半魚嘅生物,據講係東晉年間地方民變首領盧循嘅後代,亦有講法話佢係蜑家人嘅始祖。咁呢種生物同香港有咩關係呢?原來以後就流傳住喺香港大澳及珠海萬山群島一帶有神秘族群出沒,佢哋就係「盧亨魚人」,喺清代東莞人鄧淳著《嶺南叢述》入面就有提到呢個傳說。「大奚山,三十六嶼,在莞邑海中,水邊岩穴,多居蜑蠻種類,或傳係晉海盜盧循遺種,今名盧亭,亦曰盧餘,似人非人,獸形鳺舌,椎䯻裸體。」當中所講嘅大奚山即係大嶼山。

咁以上嘅都係傳說成分為主,接近歷史嘅故事。又有冇呢?答案當然係有啦,後來南宋慶元三年,廣東茶鹽提舉徐安國查捕販賣私鹽引發大奚山鹽民起義,唔少島民死亡,倖存者就被稱為蜑家人始祖。

原圖嚟自網絡