有九龍「華富邨」之稱—愛民邨

有「平民豪宅」之稱嘅華富邨之前阿史就同大家介紹過，但「華富邨」唔係得港島先有，喺九龍都有一條公共屋邨被稱為「九龍華富邨」，呢個地方就係愛民邨。

愛民邨位處何文田忠孝街以及孝民街，由於地勢較高，愛民邨部分嘅單位係可以睇到維多利亞港，而且當中嘅單位露台設計係參考咗華富邨，所以就被稱為「九龍華富邨」。愛民邨屋邨範圍好大，大到直頭係成個九龍城區入面面積最廣嘅屋邨，而佢前身其實係一個寮屋區。

喺戰前，愛民邨大部分地方就係何文田寮屋區，直到1970年先開始動工興建，直到1974至1975年先開始入伙。作為第一代公屋，愛民邨係擁有井型天井，而英女皇到訪香港嘅時候，都專登嚟呢度參觀。