新石器時代早期文化—裴李崗文化

喺發現有文字記錄之前，要了解古代先民嘅生活最直接嘅方法就係通過考古發掘，研究考古學文化。新石器時代嘅早期文化入面，最具代表性嘅就係裴李崗文化。

阿史之前就同史友們介紹過仰韶文化，而喺呢個考古學文化再之前，其實就係裴李崗文化，亦即係黃河中游地區嘅文化。之所以咁樣命名，係因為最早發現呢個文化嘅地方係叫做裴李崗村，以新鄭作為中心，包含河北河南，仲去埋大別山同埋太行山，範圍相當大。

講咁耐，到底裴李崗文化係幾時嘅事呢？根據中國社會科學院考古研究所做過嘅碳14測年，得出嘅結果係距今約9000年前至7000年前，換言之即係呢個考古學文化有可能維持咗成2000年歷史咁耐。咁考古遺址嘅發掘又有咩發現呢？