喺清末嘅時候,中環歌賦街二十四號嘅楊耀記,當時經常有四個後生仔議論中國時政,佢哋被人稱為「四大寇」,到底「四大寇」係邊四個,呢個稱號又係點嚟呢?

喺三國以及宋代都曾經有過「四大寇」嘅講法,但此寇不同彼寇,阿史想同大家介紹嘅「四大寇」其實係清末民初革命家孫中山、陳少白、尢列、楊鶴齡四人。由於當時佢哋敢於議論中國時政,無所忌憚由大談反清逐滿及太平天國遺事,當中「所談者莫不為革命之言論,所懷者莫不為革命之思想,所研究者莫不為革命之問題」,倡言革命,鼓吹共和,無論係平民定係滿清政府,都因為咁而叫佢哋做「四大寇」。

唔講唔知,「四大寇」活動嘅範圍唔止係香港,當孫中山喺廣州成立護法軍政府嘅時候,都經常同佢哋三人喺今越秀山文瀾閣會面,後來文瀾閣更得名「四寇樓」。

原圖嚟自網絡