《義勇軍進行曲》呢首國歌相信史友們都識,阿史之前都介紹過呢首歌原本係1935年電影《風雲兒女》嘅主題歌,由田漢作詞,聶耳譜曲。早排,阿史就睇咗本書,講解咗《義勇軍進行曲》中嘅「義勇軍」嘅底細。

《風雲兒女》呢套電影,係描寫响上世紀三十年代初期,以詩人辛白華為代表嘅中國知識分子,為拯救祖國,投筆從戎,奔赴東北抗日前線,參加義勇軍殺敵嘅故事。响九一八事變後,中國東北地區被日軍佔領,唔少愛國軍民自發組成義勇軍抗日武裝力量,以游擊形式對抗日軍,呢啲部隊統稱為義勇軍。所以呢首歌當中描述嘅,就係呢班獻身抗日嘅風雲兒女們。


原圖嚟自網絡