提起圍村,唔少史友可能都會即時諗起錦田嘅吉慶圍又或者粉嶺龍躍頭覲龍圍,而除咗以上嘅本地圍,其實仲有唔少保存得好完整嘅客家圍,例如呢個阿史將要介紹位於荃灣嘅三棟屋。

三棟屋係喺1786年由一位陳姓嘅族長興建,叫得做「客家圍」,就當然係因為由客家人所興建啦!呢住香港古老嘅客家圍村係喺清朝乾隆五十一年(1786年)由從廣東移居香港嘅族長陳任盛同埋佢嘅家族所興建。原本三棟屋並冇今日大家所見嘅規模,隨係陳氏嘅族人增加,就逐步喺村嘅兩邊同埋後方建立房舍,所以先有現時嘅規模。

三棟屋整體佈局就好似一個棋盤,但最易搵到嘅當然會喺中軸線上嘅正廳,入面擺放咗陳氏先祖神位,正門石楣上刻有「陳氏家祠」四個字。圍村之仲保留咗前廳、中廳、4 間獨立的居室,畀參觀嘅市民了解早期圍村生活。

本來三棟屋村村民都仲有居民住呢座圍村之內,但就喺1970年代因為荃灣綫工程而搬遷,當時嘅區域市政局接手後進行修葺,現時嘅三棟屋屬於法定古蹟,同時都係一座博物館。

原圖嚟自網絡