原名「梅林邨」嘅美林邨

早排阿史就同史友們介紹咗兩個有「平民豪宅」之稱嘅公共屋邨分別係何文田愛民邨以及華富邨。呢兩條公共屋邨之所以咁受歡迎，唔多唔少都係因為鄰近豪宅同埋見到海，咁到底有冇啲公共屋邨設計上比較有特色？咁今次就講下美林邨啦！

位於沙田區美田路30號美林邨，係沙田區內第五個公共屋邨，原名其實唔係美林，而係叫做「梅林邨」。呢座公共屋邨喺1981年正式入伙，講起呢條邨嘅威水史就當然要提下啲獎，佢建成嘅第一期就喺1982年獲得香港建築師學會年獎優異獎，而第二期美林室內運動場更加喺1987年獲得香港建築師學會年獎銀牌獎，係當時好少數可以喺同一個項目拎兩次獎嘅設計項目。

美林邨雖然係公共屋邨，但其實同樣都有居屋計劃，拎得建築師學會年獎並唔係無原因，區內其實係有完善嘅配套，由商場、康樂設施、學校、社區服務設施都一應俱全，係當時好少數可以自給自足嘅社區，所以都相當受居民歡迎。