尋日介紹到百代唱片嘅時候,阿史都有提到抗戰開始之後,百代唱片就被視為敵方資產落入日軍手中,而果段時期唔少人民同企業都有相同遭遇,正係上海嘅「孤島時期」。

喺1937年11月12日上海淪陷後,公共租界蘇州河以南區域同埋法租界成為被日本偽政權勢力包圍的「孤島」,日軍仍然未能進入,但就因為被淪陷區所包圍,形狀就好似一個孤島,所以呢段時期就被叫做「孤島時期」。

呢個狀況由1937年11月12日維持到1941年12月8日,雖然係好似孤島嘅情況,但兩個租界內仍由工部局及同埋公董局進行管理,亦都係因為日軍唔可以進入租界之內,上海對內、對外交通、貿易完全自由,反而令到大量人口同埋資本流入咗法租界,令到呢段時間出現「畸形繁榮」。據統計,呢段時間嘅工廠由原本嘅400間一年之內加到4709間、進出口商行從1937年的213戶增加到1941年的613戶,當中唔少都係從事金融業、房地產業、交通運輸業等,全部都得到迅速發展。

原圖嚟自網絡