有「百島之城」之稱嘅珠海市

喺廣東省內，有一個被稱為「百島之城」嘅地方，亦係廣東省省域嘅中心城市，鄰近中山市，同澳門毗鄰，同香港就隔住個伶仃洋，呢個地方就叫做珠海。

珠海市面積有成1,732平方公里，由原本珠海縣大部份轄地及加上斗門縣轄地組成，喺1952年果陣就只係一個漁民縣，後來就先改為珠海縣，亦都併入中山縣，去到1979年先成為珠海市。而踏入1980年代，呢個地方就開始興辦經濟特區，專門做一啲以出口為主、高技術嘅工業，逐步將經濟特區範圍擴大到全市。

叫得做「百島之城」就當然唔係流料，由一啲大面積嘅海島開始計，珠海就有淇澳島、高欄列島、萬山群島等一共146個島，真係名乎其實有百島。而講到最威水，唔單止係有百島，仲有2018年嘅港珠澳大橋開通，令到珠海成為全國唯一一個同香港、澳門接壤嘅珠三角城市。