金磚國家係點嚟？

早幾嘅當年今日系列就同史友們介紹到神根國家嘅由來，咁就有史友想阿史講多啲同類型以國家為聯盟嘅組織，咁阿史今次就同大家介紹下金磚國家！

金磚國家呢個概念係喺2001年由美國高盛首席經濟師吉姆·奧尼爾提出，佢當時喺一份叫做《與「金磚四國」一起夢想》嘅研究入面指出，去到2050年世界經濟格局將會重新洗牌，超越以英國、法國呢類已開發嘅西方國家。

金磚國家就係指金磚五國分別係五個新興嘅市場包括巴西、俄羅斯、印度、中國、南非，而呢五個國家嘅英文組成咁巧合就係BRICS，同英文入面Brick磚塊有類嘅發音。叫得做金磚國家當然唔止咁簡單啦，當中嘅由來同佢哋嘅經濟上嘅影響力有關。「金磚五國」喺人口上佔咗全世界總人口嘅42%，而國土面積就係世界嘅26%，係相當重要嘅一個份額，同時都好影響住世界經濟增長。由於呢五個國家喺領土面積、人口上都被視為有極大嘅發展潛力，於是金磚國家嘅概念仍然被不斷發展。