喺1972年嘅今日，香港發生咗一場史上死亡人數最高嘅災害，既被稱為六一八雨災，亦都因為1972年係壬子年，亦都被稱為壬子雨災。

喺1972年6月16日至18日期間，香港接連三日發生持續暴雨，三日嘅降雨量達到652.3毫米，暴雨喺九龍觀塘區翠屏道木屋區及香港島半山區旭龢大廈一帶引發山崩同埋大廈坍塌慘劇，與此同時仲有水災、山洪暴發出現，造成共156死、117傷。

九龍觀塘區翠屏道木屋區山泥下瀉慘劇發生後，警方於當日下午設立專責登記失蹤人士同埋小組指揮站登記，消防處、民眾安全服務隊、醫療輔助隊、駐港英軍、香港義勇軍參與救援，連日搜救傷者及搜索死者，但最後都係有71死52傷。

至於旭龢大廈方面，就因為半山區寶珊道發生山崩而引發泥石流，令到樓高12層嘅旭龢大廈全幢倒塌。樓內大部分住客未能及時逃生，駐港英軍奉召到場救災，其後交由消防員接手處理。經過連日挖掘，搜救人員拯救到不唔少生還者，最後證實67死19傷。

六一八水災發生後，香港各界紛紛發起捐款賑災活動，後來亦都建立咗「籌款賑災」節目嘅傳統。

原圖嚟自網絡