曾是亞洲其中最大規模船塢之一 黃埔船塢

早幾日阿史就講到盟軍喺日軍佔據香港接近第三年嘅時候，就以燃燒彈對九龍一帶進行大規模轟炸，而當時就流傳住一個講法，話盟軍其中一個目標其實係黃埔船塢，咁阿史就同大家介紹一下啦！

黃埔船塢，又稱九龍船塢，早年嘅紅磡街坊就將呢度叫做大廠，而咁岩呢度就都係當時亞洲其中一個最大規模嘅船塢。講起呢個船塢嘅歷史，其實就係1863年開始由幾間出名嘅集團聯手設立，分別有怡和洋行、鐵行輪船公司、德忌利士洋行等，之所以叫做黃埔船塢，完全係因為公司收購咗廣州黃埔柯拜船塢同埋修理廠，所以就叫做Whampoa。黃埔船塢嘅業務唔止喺黃埔，後來喺香港仔亦同樣有佢哋嘅旱塢。

去到1870年代，黃埔船塢同聯合船塢公司合併，成為當時香港最大的船塢公司，幾乎壟斷廣州黃埔、香港及九龍之間所有大型船塢，全盛時間工人數目達到4500人。只係後來競爭加劇，黃埔船塢一度改為貨櫃碼頭並且更加土地用途發展。去到1984年12月14日，黃埔船塢與香港政府簽署換地條款，正式結束黃埔船塢馳名全球之造船及修船時代。