喺提到清代晚期嘅發展果陣,阿史除咗會諗起洋務運動嘅重要人物「晚清四大名臣」曾國藩同埋「內悅昏君,外御列強嘅李鴻章之外,魏源亦都擔當住一個相當重要嘅角色。

魏源,係晚清思想家,林則徐嘅好朋友,亦都被近代歷史學家稱佢為令到近代中國「睜眼看世界」嘅思想家。魏源喺29歲(1822年)參加順天鄉試考中舉人,但佢嘅任途並唔係一帆風順,喺會試嘅時候就落第,一度就去咗八選裕謙做戎幕,期間就接觸過英國戰俘,編成《英吉利小志》。

後來,佢就識咗林則徐,兩人開始縱談時事同國情,並且翻譯報紙,完成《海國圖志》一百卷呢份著作,當中主張「師夷長技以制夷」,學習國外先進科學技術抵禦外國侵略,令中國走上富強的道路,係當時相當重要嘅思想,促進咗後來洋務運動嘅發生,仲被張之洞深化成「中學為體,西學為用」。

完成《海國圖志》後,魏源喺道光二十五年(1845年)中進士,以知州分發江蘇,仲曾經到過廣州、澳門、香港進行會晤以及採購各國書籍。

原圖嚟自網絡