公屋嘅雙塔式大廈係點嚟？

喺香港嘅公共屋邨入面，有一種被認為好有特色嘅大廈，由於高低兩塔相連，所以得名雙塔式大廈。而呢種咁得別嘅設計，就係阿史早前介紹過嘅廖本懷先生所設計出嚟。

雙塔式大廈（Twin Tower），又叫做「天井型公屋」、「井字型公屋」，一般雙塔嚟講都會有兩個唔同嘅高度，較高嘅一座就會有24到28層，至於低啲嘅一層就係21層左右。雙塔式大廈嘅特色就係高低兩塔相連，而大廈中間嘅位置會留空形成一個天井，就好似愛民邨、華富邨、順利邨都有部分大廈採用呢種設計，1970年落成嘅華富邨華興樓及華昌樓就係最早嘅設計。

雙塔式大廈設計嘅理念最初係希望可以令到每層每戶大門互相對望，從而減低偷竊發生，但係後來呢個天井設計就立唔少想輕生人士自殺嘅地方，亦都因為通風窗戶嘅關係容易令到偷窺者喺高處偷窺下層。直到1980年代，港府就喺新型屋邨停止興建雙塔式大廈，最後一座落成嘅係1984年秀茂坪邨秀明樓。