《黃河大合唱》係點嚟嘅？

早排阿史就同史友們介紹咗《黃河大合唱》嘅作曲家冼星海，咁到底《黃河大合唱》呢首交響樂合唱又係點嚟呢？

《黃河大合唱》係由中國現代詩人張光年（光未然）作詞，冼星海作曲，喺1939年首演，去到1941年先被改寫成交響樂合唱，而呢首歌曲最初嘅時候先係一首詩歌。喺1939年嘅2月26日，張光年渡過黃河之後就去到晉西、呂梁前線慰問演出，期間就唔小心騎馬跌落跌斷左臂，聯同演劇三隊被送到延安治療。喺養傷期間，佢就開始諗起1937年果陣經過黃河時嘅景象，醞釀寫一首歌頌黃河、讚美中華嘅長詩。當1939年冼星海去到醫院探張光年嘅時候，就決心都創作一部大合唱。

張光年就用咗五日時間完成四百幾行嘅詞《黃河吟》，並且喺駐地西北旅社窯洞里舉辦詩歌朗誦會，邀請冼星海參加。晚會上張光年朗誦歌詞《黃河吟》，令到冼星海決心譜曲，包括總譜帶合唱，呢部作品定名為《黃河大合唱》，喺1939年4月13日，喺延安陝北公學禮堂首演。呢部作品喺唔同年代亦都有唔同版本，去到2007年仲跟過「嫦娥一號」飛上太空。