早幾日阿史就講到明朝有個「小冰河時期」，有歷史學者就認為明朝嘅滅亡係氣侯促成，但係歷代都有唔少學者指出「明實亡於萬曆」，咁到底萬曆年間發生過咩事呢？

萬曆皇帝，即係明朝第十三位位皇帝明神宗朱翊鈞，佢亦都係明朝歷史上在位時間最長嘅一位皇帝，由10歲登莊去到58歲駕崩，佢足足在位48年。咁一位在位時間咁長嘅皇帝，到底點解會被認為係令到明朝滅亡？原來佢雖然在位48年，但當中係有28年冇上過朝。

其實神宗朱翊鈞喺幼年嘅時候係相當勤奮，既有處理國事，亦都有每日接受講讀，《大學》、《尚書》等經典通通讀過，而且喺宰相張居正輔助下，仲經歷過「萬曆中興」。只係張居正死後，神宗就因為立唔到自己偏愛嘅三皇子做太子，就開始唔上朝處理政事。雖然係唔上朝，但佢就發動過「萬曆三大征」，三次戰爭都全勝但客觀上令到國庫空虛，令到後來明朝已經冇足夠實力抵抗其他外敵入侵，再加上朝中黨爭以及種種社會同貧富懸殊嘅問題，埋下咗明朝滅亡嘅伏線，所以呢段時甚至被形容係「明朝不亡於崇禎之失德，而亡於萬曆之怠惰。」

原圖嚟自網絡