喺1950年嘅6月25日,朝鮮半島上嘅兩個政權,朝鮮民主主義人民共和國政權與大韓民國政權展開咗一場長達三年嘅戰爭,史稱韓戰。至於呢場戰爭喺南北韓都有唔同嘅叫法,例如北韓就會叫做「祖國解放戰爭」;而南韓就會叫做「六二五事變」。

直到二戰結束之前,朝鮮半島係被日本殖民統治,喺日本投降之後,就根據美國提出嘅日本受降分界線,以北緯38度線為界,由前蘇聯占領北韓而美國占領南韓。被占領嘅南北韓受到雙方嘅意思形態影響,各自都成立政府,並且認為自己一方先係韓鮮半島唯一合法政府,並且唔承認以北緯38度線劃分。

隨住美國同埋前蘇聯分別撤軍,北韓同埋南韓政府都沿三八線兩邊各自囤駐軍隊,喺1947年就發生過唔少武裝衝突。而去到1950年6月25日,朝鮮人民軍就以以反擊侵略為由越過三八線大舉進攻南韓,呢一日就被認為係韓戰嘅開始,亦被理解成「冷戰」嘅第一場真正戰爭。

戰爭嘅初期朝鮮人民軍占盡優勢,攻入漢城,但後來美軍介入戰事,中國亦隨即戰開「抗美援朝」,直到1953年7月27日喺板門店簽署朝鮮停戰協定,韓戰先至宣布停戰。

原圖嚟自網絡