早幾日就同史友們講到中國史上第一位無上皇高緯,而佢死嘅時候就只有21歲。提到史上唯一一位,除咗有無上皇之外,仲有唯一一位駙馬狀元—鄭顥。

鄭顥係中國歷史上唯一一位集狀元、駙馬於一身嘅人,佢係唐憲宗元和中宰相鄭絪嘅孫,父親仲曾經做過兵部尚書。而鄭顥本人,就喺會昌二年(842年)壬戌科狀元,先任右拾遺,後來喺唐宣宗大中三年(849年)就做過翰林學士。

古人有過唔少美好嘅幻想,中完狀元之後就當然想做埋駙馬。喺大中二年(848年),唐宣宗為萬壽公主招婿,當時宰相白敏中單方面薦舉鄭顥,令到當時已經到咗楚州嘅鄭顥想迎娶范陽盧氏,但最後都係被皇帝司回要迎娶萬壽公主。呢件事令到鄭顥大恨,婚後仲同公主不睦。唔單止咁,鄭顥對白敏中恨之入骨,經常都喺宣宗前彈劾白敏中,歷年仲寫過唔少彈劾白敏中嘅奏章。

中國歷史上唯一嘅「狀元駙馬」,其實並唔係咁開心,去到成婚十三年後鬱鬱而終,認真陰公。

原圖嚟自網絡