早排阿史就同大家介紹返深水埗碼頭嘅歷史,唔少史友都話好有回憶,甚至仲有史友細個果陣係搭船返學,呢啲分享認真有趣,所以今次阿史就想講一講荃灣碼頭。

唔講唔知,其實依家嘅荃灣碼頭已經嚟到第四代,先前嘅三代分別係喺1935年啟用,但喺1942年被日本侵佔時炸咗嘅第一代碼頭;而第二代碼頭就係1958年啟用,位處如心廣場附近,但就因為填海而清拆;第三代碼頭就係1983年啟用,位處荃灣填海區對出,附近就係巴士總站,但時有唔少嘅航線就好似「荃灣至青衣」、「荃灣至中環」、「荃灣至大澳」,真係幾四通八達。只係2000年嘅時候,因為要填海起九廣西鐵,而令到呢個碼頭要再次清拆,現時啟用嘅第四代已經係2002年起好嘅喇。

雖然係叫做碼頭,但基本上已經冇航線,現時就只係有船隻定期往返接送馬灣珀麗灣居民,另一個公眾碼頭就係畀青衣船廠員工往返用。

原圖嚟自網絡