近期長江水災，唔少人將焦點放咗响三峽大壩。相信史友們都知，三峽大壩係九十年代開始興建，之但係，其實話起三峽大壩呢個提議，原來係成百年前嘅。

到底呢個提出起三峽大壩呢？答案就係孫中山喇！1919年孫中山《建國方略》「實業計劃」（完稿為1920年）中提出嘅構想。《實業計劃》中提出六項計劃，分港口建設、鐵路、道路建設、採礦業、治河道等八個範疇，當中「長江上游水路改造」就有荊江分洪工程、下荊江裁彎工程、長江三峽水利樞紐工程。長江三峽水利樞紐工程就係三峽大壩嘅構想來源，响《建國方略》對三峽工程係咁寫：「改良此上游一段，當以水閘堰其水，使舟得溯流以行，而又可資其水力。」

對於呢個想法，國民政府响民國時期都有派人去考察，仲搵過美國工程師作實地考察。1944年，美國工程師薩凡奇就寫咗《揚子江三峽計劃初步報告》，提出三峽高壩建設嘅方案。不過後嚟因國共內戰，三峽工程又變返做討論。

原圖嚟自網絡