發生喺長江中下游同淮河嘅水災—江淮大水

早幾日阿史同史友們回顧咗「黃河奪淮」同埋華東水災，而喺內地歷年仲有一項好嚴重嘅水災，被水利學家同埋史家稱為江淮大水，又或者江淮水災。

所以嘅江淮大水其實係一個統稱，泛指發生喺長江中下游以及淮河流域嘅水災，根據水利學者多年嘅總結同埋數據，都指出江淮水災多數發生喺夏季，並且係由地熱渦活躍造成。喺近代歷史上，淮河大水年就有1921、1931、1954、1956、1963、1975、1982、1991、1996和1998年，當中就有1931、1954、1996和1998年同時撞正長江大水年，所以先出現咁嚴重嘅水災。

而提到江淮大水最嚴重嘅一年，大概就係1931年，當年仲有唔少外國記者影低過相。1931年呢場大水因為漢口同江淮連續兩個月嘅大雨，去到8月26日江蘇高郵湖決堤，直接令到全國15萬人因為水災死亡。再加上水災帶來嘅疾病，就有接近40萬人死亡。喺江淮大水之後一年，就因為農田澇災而帶來饑荒、霍亂等災害，接近6000萬人受災，所以話水災影響真係大！