提到商朝歷史，最重要嘅一樣證據就係殷墟甲骨文嘅發現，令到商朝由傳說時代變成信史時代，但大家又知唔知甲骨卜辭係講啲乜？點樣進行呢？今次阿史就同史友們介紹下啦！

所謂嘅甲骨卜辭，又叫做甲骨文，係指商朝晚期王室喺龜甲或獸骨上契刻嘅文字，而所契刻嘅文字基本上都係同占卜或者記者有關，雖然當中唔少文字都未被完全解讀出嚟，但就被認為係中國已知最早嘅一個文字體系。

咁到底甲骨卜辭係點進行呢？據郭沫若嘅研究指出，一條完整嘅卜辭主要有四個部分，分別係前辭、命辭、占辭、驗辭。前辭記錄占卜時間同埋占卜人名、命辭記錄具體占卜事項、占辭紀錄占卜結果，而驗辭記錄事後占卜事項結果，睇下占卜內容有冇應驗，今日睇嚟成個甲骨卜辭都幾有系統。而占卜並唔係任何獸骨龜甲都可以用，而係要視乎大細同埋品質，有啲仲需要進行鋸磨加工，鑿鑽圓穴。

等以上嘅功序都完成之後，巫師就會用火燒灼呢啲圓穴，再觀察當中嘅裂痕，如果裂痕夾角接近90度，占卜嘅答案就會為「是」；遠小於90度答案就會係「否」；至於中間就係「不確定」。當以上步驟做完之後，甲骨卜辭就會被儲藏，呢個亦都係點解小屯村殷墟出土嘅甲骨可以咁完整。

原圖嚟自網絡