喺細個鬧人嘅時候,文雅啲嚟講經常都會用到一個詞,就係「十惡不赦」。後尾阿史先知道,原來「十惡不赦」真係代表十個唔同嘅罪。

「十惡」嘅起源並唔係一個法律嘅術語,反而係佛教術語「十惡業道」。喺中國古代,對法律嘅判定同規定係喺秦漢開始形成,而去到《北齊律》就有「重罪十條」,《開皇律》就借用咗佛教術語「十惡業道」概念再加上法律嘅內涵,後來呢「十惡之條」就被列入律典。

至於十惡所講嘅十條控罪,就有「謀反、謀大逆、謀叛、惡逆、不道、大不敬、不孝、不睦、不義、內亂」,以上呢十惡係同侵害皇帝或皇權有關,就算只係親屬都會受到牽連,無論係咩身份都好難得到赦免。

原圖嚟自網絡