1997年電影《鐵達尼號》係幾代史友嘅經典,當中最令阿史記得嘅並唔單止係Jack同Rose之間嘅愛情故事,仲有嘅係呢件悲劇發生果陣,唔同人嘅反應以及行為。

呢艘英國皇家郵輪歷史上號稱「永不沉沒」,係全世界最大海上船舶,但就喺首次載客航行時沉沒。喺1912年4月10日,鐵達尼號展開首航目的地為紐約,當中大部分乘客都係世界上頂尖富豪。而喺船隻航行中,就喺4月15日發生咗一場擦撞冰山後沉沒嚴重災難。2,224名船上人員中有1,514人罹難,成為近代史上最嚴重嘅一次船災。

事後,就有美國海事專家開始研究英國水手嘅歷史,發現原來當年有8個華人身處船隻之上,當中就有6個人喺海難之中倖存。呢8個人係船務鍋爐工人分別係Fang Lang、Lee Bing、Ali Lam、Chang Chip、Cheong Foo、Lee Ling、Ling Lee和Len Lam。佢哋嘅倖存比起呢次船難嘅女性生還率達75%,男性生還率只有20%,事件就令到英美媒體相當關注,仲引發咗反華情緒,話佢哋係「低劣的華人」,無遵守「婦孺優先」規定,仲好快被紐約移民局驅逐。

直到近年有學者翻閱當時文獻並製成紀錄片《The Six》,表明6名生還華人唔識英文,無法為自己辯解,而且仲有證人白星航運董事長伊斯梅表示「這些中國人,是喺在救生船已離開郵輪以後,才被發現躲在座位底下」,先至為佢哋洗脫「犧牲其他死難者生命為代價苟且偷生」嘅罪名。

原圖嚟自網絡