23年前,對中國同香港都係一個非常重要嘅日子,因為1997年七月一日零時零分開始,香港正式回歸祖國。

記得1997年回歸前幾日,香港就成為咗全世界嘅焦點,英國對香港一個半世紀嘅殖民統治,响1997年七月一日正式結束。响六月三十日下午,港督府舉行咗個降旗儀式。末代港督彭定康接過原本掛响港督府嘅英國國旗,代表住香港從1842年開始至1997年嘅殖民地時代即將完結。當晚23時30分,交接儀式响會展舉行,開始午夜之前,英國國旗同香港旗伴隨着英國國歌緩緩降下,到咗1997年7月1日零時零分,中華人民共和國國旗同香港特區區旗伴隨着中國國歌升起,呢個時刻,成為中國同香港歷史重要嘅一章。

原圖嚟自網絡