形容朋友之間關係良好,有好多唔同嘅形容詞都可以用到,例如「生死之交」、「患難諍友」,甚至「八拜之交」,而喺呢堆成語入面,阿史就對一個詞相當有興趣,就係「莫逆之交」。

就咁字面理解呢個詞,其實係唔會明白當中有咩意思,但事實上呢個詞嘅起源相當悠久。「莫逆之交」據講係出自《莊子》,話說個故事係有四個好朋友分別叫做子祀、子輿,子犁,子來,經常都一齊飲酒,而喺一次飲醉酒嘅時候,其中一個人就講到「你們有誰能把無當做頭,把生當做脊椎,把死當做屁股,你們有誰能認識到生死有無本來就是一體的」。問到呢條咁難明嘅題目,呢幾位仁兄「相視而笑,莫逆於心,遂相與為友。」

故事中所講嘅「莫逆」就係沒有牴觸、違背、想法都是一致,於是呢個詞就被用嚟形容果啲關係相當好,志同道合嘅朋友喇!

原圖嚟自網絡