繼續為史友們介紹廣東嘅城市,繼上次講完百島之城珠海之後,今次就嚟到有「海濱鄒魯之地」之稱嘅新會。

據學者推斷,新會喺新石器時期果陣仲係珠江口嘅一個海灣,由於西江泥沙長期淤積而形成陸地,開始有古越族人喺度生活,亦都有考古嘅發現例如貝丘遺址、梅閣炮台山沙丘遺址等。而喺秦朝開始,呢片土地就被納入南海郡番禺縣轄地,西晉就被改新夷縣,去到唐朝就因為盛產海鹽而得到重要嘅發展。

喺地理位置上嚟講,新會係位於廣東省嘅中部,原本只係一個縣,後來就被升格成一個市。如果有史友係四邑人,應該都會知道新會係同開平、恩平以及台山並稱為四邑,後來嘅五邑就係因為加入咗鶴山。

新會被稱為「海濱鄒魯之地」並唔係無原因,呢度係唔少名人嘅故鄉好似梁啟超、陳白沙等,同時又係嶺南學派嘅發源地,所以就有呢個稱呼喇!

原圖嚟自網絡