關於香港大學嘅歷史,相信就算阿史唔介紹史友們都會知道啲,但唔知史友們又知唔知麼地爵士同香港大學之間嘅故事呢?

喺香港大學本部大樓嘅陸佑堂,擺放住一個由拜火教送贈嘅麼地爵士塑像,呢道真係講開有段故。據講,早喺香港大學籌備建設初期,就有一位香港與印度貿易嘅富商名人麼地爵士(Sir Hormusjee N Mody)好慷慨咁,認捐十五萬元作為港大興建校舍用途。要知道喺成百年前嘅十五萬並唔係一個細數目,而呢筆嘅捐助亦都令到香港第一座教學樓喺1910年正式奠基。去到2002年,拜火教就為咗為慶祝港大成立九十周年,再加上紀念麼地爵士對港大嘅貢獻,就送贈麼地銅像畀香港大學。

唔講真係未必知,麼地爵士原來唔止捐過一次錢,前前後後總額超過二十八萬,可以話香港大學嘅建立同埋發展都同佢有好大嘅關係。

原圖嚟自網絡