中國迄今發現最早期的宮殿遺址—二里頭遺址

講起商朝嘅歷史，自不然會諗起殷墟；至於仍然仲未算係信史時代嘅夏朝，就有一個被認為係夏文化夏墟嘅遺址，呢個遺址就係二里頭遺址。

二里頭遺址位處河南省洛陽市，係喺1959年由考古學教徐旭生根據《左傳》《漢書·地理志》入面對於禹同埋鯀嘅記載，作為考古發掘嘅依據，喺離原本發掘嘅河南嵩山位置再偏離近百公里，先至發現到呢個中國早期嘅部落遺址。二里頭遺址入面，唔單止有墓葬，仲有四個類似宮殿嘅建築遺址，係中國迄今發現最早嘅宮殿遺址。喺呢個呢座城嘅範圍，就有學者統計過總人口達到24萬以上，有一定程度嘅商業發展，並且亦都有發現藝術品同埋樂器，證明當時已經有相當嘅文化水平。

雖然係最早期嘅宮殿遺址，但對於呢度係咪屬於夏都，歷代學者都仲有唔少爭議。除咗有測年上嘅爭議，有份發掘嘅徐旭生就認為，呢度應該係商朝人嘅都邑，至於另一派學者鄒衡就覺得呢度應該係史記中所講嘅夏都，相關嘅爭論至今仍然持續。