牛池灣有座三山國王廟？

提起香港盛行嘅民間信仰，相信史友們都會講得出黃大仙、楊侯或者關帝等等，但如果阿史提到三山國王，大家又知唔知呢？

三山國王呢個信仰一直喺粵東地區盛行，主要由潮洲府住民供奉，而喺香港其實亦都有七間同三山國王有關嘅廟宇，當中牛池灣呢間三山國王廟就算得上歷史悠久。所謂嘅三山國王，其實係指廣東揭陽市河婆鎮嘅三座山分別係巾山、明山同埋獨山，而入面傳說就住咗三位山神。相傳喺唐代洪水泛濫之時，當時被貶為潮州刺史嘅韓愈就向三座山嘅山神祈求止雨，點知真係好快雨過天晴。而另一個傳說就同宋太祖趙匡胤有關，相傳呢三位山神借過神力畀宋太祖趙匡胤，令到佢可以平息到劉張之亂，所以先被封為三山國王，三位山神分別係清化威德報國王（大國王，巾山國王）、助政明肅寧國王（二國王，明山國王）、惠威弘應豐國王（三國王，獨山國王），合祀為「三山國王」。

位處黃大仙區牛池洌嘅三山國王廟，現時係一座三級歷史建築，建於1800年，喺1946年擴建，每逢每年農曆二月十五都會三山國王誕，據講會幾熱鬧下。