屯門海戰後 發生咗一場茜草灣之戰

喺明朝正德十六年 (1521年)，喺屯門地區就發生過一場由大明水師抗擊佛朗機（葡萄牙）人嘅海戰，呢次亦都係中國第一次同歐洲國家嘅武裝商船對抗嘅戰役。而喺呢場激烈嘅屯門海戰之後，其實仲發生過一場茜草灣之戰。

喺1522年，葡萄牙率領前往廣東茜草灣援助屯門武裝船隊，據當時《明史》描述，當時呢支武裝船隊係由一個隸屬於葡萄牙駐印度總督Martim Afonso de Melo Coutinho帶領，並且喺去到中國之前就已經「恃其巨銃利兵，劫掠滿剌加諸國，橫行海外，至率其屬疏世利等千餘人，駕舟五艘，破巴西國，遂寇新會縣西草灣」。雖然有過咁強嘅戰鬥力，但當時佢並唔係選擇直接開戰，反而係想上岸同廣東嘅官員談判。

然而，經歷過屯門海戰之後，其實廣東官員係唔可以同葡萄牙人接觸，而且見到佢哋商船宦要即時攻擊。於是，茜草灣之戰就爆發，呢場戰役亦係由明朝軍隊佔咗上風，戰役中就有35人死傷，繳獲大小火炮20多門以及戰船2艘，打擊咗當時嘅葡萄牙。