早兩日阿史介紹到全港面積最大嘅學校聖士提反書院,呢間歷史咁悠久嘅學校,其實喺二戰日本侵占香港期間,發生過一場好殘酷嘅大屠殺,阿史今日就同大家講一講。

喺日本軍隊同多國守護香港而組成嘅聯軍交戰嘅尾聲,就有一件大屠殺事件喺聖士提反書院發生。喺交戰初期,其實當時港府就已經將聖士提反書院臨時徵用為軍醫院,而且校舍出面都紅十字符號表示係醫療用途。點知去到1941年12月21日,日軍同埋聯軍就喺赤柱展開激戰,最尾以聯軍落敗告終。當時有唔少戰爭中受傷嘅軍人都被送到書院。

喺1941年12月25日清晨,日軍進攻聖士提反學校,攻入書院期間就用用刺刀殺害15名臥牀傷兵,仲將職員同埋一啲仲有活動能力嘅人趕入儲物室。戰後就有一位倖存加拿大陸軍隨行神職人員喺遠東國際軍事法庭上做證,憶述自己喺大屠殺期見聞,有大量冇武器嘅受傷軍人被殺、保護學生嘅教職員亦都被殺,有倖存者仲目睹2名傷兵遭到肢解,亦有女護士被日軍喺傷兵屍體上輪姦。

大屠殺過後,聖士提反書院一度被改為拘留所,而死去嘅軍人同傷者,大部分就被安葬喺赤柱軍人墳場。

原圖嚟自網絡