尋日就同史友們介紹到「西洋」喺唔同朝代所代表嘅範圍,咁講完「西洋」,自然就會諗起「西域」啦,咁到底「西域」又係指緊乜地方呢?

大家今時今日所講嘅「西域」,其實就即係周朝嘅故地,喺漢朝嘅時候就係指緊天山南麓玉門關、陽關以西嘅國家同埋地區;而去到隋唐嘅時候,「西域」嘅範圍亦都擴大,北邊就計埋古稱拂菻嘅東羅馬帝國,中部就去到波斯,南至婆羅門。而去到再之後嘅元朝,其實連歐洲、非洲都計埋入嚟。

咁到底點解會有「西域」呢個概念出現,原來係同一條路有關,呢條就係絲綢之路!喺兩漢同埋隋唐時期,中原嘅王朝都會喺今日新疆同埋中亞設立一啲行政機構,亦都係組成絲路嘅重要元素,沿路仲留低唔少遺址及中國敦煌壁畫,相當精彩。亦都係因為咁,令到歷代都有唔同嘅史書記載有關「西域」嘅史料,就好似有《史記·大宛列傳》、《漢書·西域傳》、《後漢書·西域傳》、《隋書·西域傳》、《南史·西域諸國傳》等。

原圖嚟自網絡