話說尋日就有一個幾令人不捨嘅消息,就係「超級丹」林丹亦都宣佈退役,係繼馬來西亞傳奇球手李宗偉掛拍後另一個羽壇退役,呢個消息亦都意味住以後都唔會再有「林李大戰」。

對於林丹嘅退役,李宗偉就表示「請相信歡笑淚水所有的約定,都是忘不掉的日記,我最偉大的對手林丹,三缺一很久了,為你驕傲。」後生啲嘅史友可能未必會知「林李大戰」係點嚟,故事就要由2004年講起。

林丹、李宗偉喺2004年首次喺成人賽交手,李宗偉淡若如水,相當瀟灑;而另一邊廂林丹爆烈如火,霸氣十足。兩種唔同風格嘅打法,係羽毛球壇兩座高峰,當年真係令到唔少球迷着迷,甚至平時唔睇波嘅都會打開電視睇佢哋。直到2018年為止,二人交鋒咗40次,林丹贏咗28場,李宗偉贏出12場,「林李大戰」就咁劃上句號。

原圖嚟自網絡