丹麥小美人魚雕像 被噴上「種族歧視魚」字眼

如果有史友去過丹麥首都哥本哈根，都好有可能知道或者直頭見過一個好出名嘅旅遊景點，而阿史講嘅正正係丹麥小美人魚雕像。呢個咁浪漫嘅景點，多年嚟都被破壞唔少次，而呢次就被噴上「種族歧視魚」（Racist Fish）字眼。

丹麥小美人魚雕像位處丹麥哥本哈根長堤公園港口岩石上，呢個雕像係由嘉士伯創辦人個仔卡爾•雅布克森（Carl Jacobsen）喺1909年委託丹麥雕塑家愛德華•艾瑞克森創立。呢個雕像用咗安徒生童話同埋雕塑家愛德華愛琳•埃里克森（Eline Eriksen）做藍本，先會整得出呢個美人魚雕像。

美人魚雕像於1913年8月23日正式公開，初次到訪嘅遊客唔少都覺得好驚訝，而唔知點解，呢個雕像後來亦都成為被破壞嘅對像。喺1964年同埋1968年，雕像就分別被砍斷頭部偷走，而1984年就被砍斷手臂。嚟到近年，美人魚雕像就先喺2017年被動保團體抗議政府漁民喺丹麥外海法羅群島獵捕領航鯨被潑紅漆，今年亦都先後兩次被噴上標語。