香港第一位獲封為爵士的華人—何啟

提到香港早期嘅傑出華人，除咗有阿史早前介紹過嘅伍廷芳、何甘棠等等，仲有唔少傑出華人都值得同大家介紹，而阿史今次想講嘅就係何啟爵士。

何啟爵士，原名係何神啟，出生喺1859年嘅何福堂家族，係一位基督教徒。唔單止咁，佢更加係第一位獲封爵士嘅華人，同時佢又係著名嘅醫生、大律師、商人以及政治家，真係多才多藝。

唔講真係未必知，伍廷芳其實係何啟姐夫添。何啟幼年係喺中央書院讀書，去到1871年先到英國留學，佢係先喺鴨巴甸大學拎到醫科碩士學位，再到林肯律師學院讀埋高級法律學士學位。完成學業結埋婚之後，何啟就選擇喺1882年返到香港，牽先任職大律師。大約喺5年次後，何啟就決定同熱帶醫學之父白文信醫生共同創辦香港雅麗氏利濟醫院，並且成立港大醫學院嘅前身香港華人西醫書院，對香港醫學作出重大貢獻。