今日係七七事變（盧溝橋事變）83周年紀念，作為炎黃子孫都唔應該忘記八十幾年前呢件重大歷史事件。盧溝橋事變發生嘅原因同經過基本上都講過好多次，其實史友們有無諗過，點解北平城外會有埋日軍响度駐守。

日軍之所以可以响北平城外駐紥，其實係源於《辛丑條約》。1901年清政府同列強簽訂咗《辛丑條約》，條約就規定咗各國可以响中國境內駐軍，目的係保護僑民同維護在華「利益」。日軍就响1901年成立清國駐屯軍，開始咗响中國駐軍。呢種特權維持到民國時期，呢支「中國駐屯軍」慢慢就成為侵華日軍嘅部分成員。响三十年代，「中國駐屯軍」就分別駐咗响天津、山海關、通縣、豐台、北平等地。而發動七七事變嘅，就係豐台個班「駐屯軍」喇！

原圖嚟自網絡