幾長嘅一段時候冇得去旅行，咁令阿史都心掛掛，時不時都諗起一啲好特別嘅地方。喺古代嘅絲綢之路上面，有一個曾經消失過後來又被人重新發現過嘅地方—樓蘭古城，但據聞呢個地方唔係咁易可以去到。

樓蘭，位於新疆羅布泊西北岸，係古代西域一個國家，係指西漢時期嘅樓蘭國。對於呢個國家幾時建立，暫時都未搵到明確嘅記載，但通過考古發掘可以知道至少係前1800年左右至前1世紀左右。

據現時已知嘅史料，喺《史記·匈奴列傳》可以知道「定樓蘭、烏孫、呼揭及其旁二十六國，皆以為匈奴」，即係當時樓蘭國屬匈奴，但就冇樓蘭國位置嘅記載。喺西域初通時期，唔少使者都會經過樓蘭國，樓蘭國就成為匈奴，攻劫西漢使者；樓蘭國轉輾歸漢後又親匈奴，結果就被漢朝派兵討伐，設都護府管理，仲改過國名叫做鄯善。

於是，樓蘭國喺接下來嘅東漢、魏晉時期先後成為一個派兵屯田、農業生產、扼絲綢之路要衝嘅重要地點。只係到咗公元330年以後，因為當地重要水源孔雀河改道，羅布泊水萎縮，樓蘭城民眾迫於嚴重乾旱，遺棄樓蘭城，但亦都因為咁，樓蘭國嘅人喺公元420年後先後併吞了若羌、小宛、精絕、且末等國，成為西域七強之一。

至於原本嘅樓蘭城，就因為斷水而廢棄，民眾南移，據講法顯西遊時仲曾經見過呢個古城遺址。呢個原本喺歷史長河入面消失咗嘅古城，因為一個瑞典探險家斯文·赫定重新發現而發掘出呢片廢墟，到底故事係點？下回再同史友們分解！

原圖嚟自網絡