關於秦始皇兵馬俑,相信史友們都唔會覺得陌生,甚至可能有唔少史友都試過親臨其境,感受呢個被聯合國教科文組織列入《世界遺產名錄》嘅文化遺產。

秦始皇兵馬俑,位處陝西省西安市臨潼區西陽村,係秦始皇陵墓,相信亦都係中國第一個規模宏大、保存完好嘅帝王陵寢。喺佈局上嚟講,成個陵園係模仿秦都咸陽,分做內外兩城。陵冢高76米位於內城西南,入面相信係放置棺槨、隨葬器物,亦都係成個秦始皇陵墓嘅核心,但就由於學者覺得現時技術未能完整保存內部嘅物件,所以就仲未進行發掘。

講到呢個地方,就當然要同大家介紹兵馬俑。現時大家睇到嘅兵馬俑,一般都係得陶土嘅顏色,睇落好普通。但事實上,呢啲兵馬俑喺未出土嘅時候每一隻身上都係有十幾種唔同顏色,分為兩層,一層係褐色有機底層,至於最外面彩色就有紅、綠、藍、黃、黑等天然礦物質,至於紫色和白色就係人工合成,紫色被稱為「中國紫」,迄今為止都冇喺自然界發現過這種顏色。無論係衣著定係武器都相當鮮艷,就咁聽都知工序有咁繁複。之不過,喺考古學家嘅發掘之下,呢啲兵馬俑就接觸到空山氣,產生氣化作用,當時有份發掘嘅人親眼睇住呢啲顏色喺幾分鐘之內消失,認真誇張!

原圖嚟自網絡