截至2019年年底，香港嘅總人口已經達到750萬人，相信呢個數字對大家嚟講都唔會陌生。但係喺以前科技同埋統計學仲未咁完善嘅時候，到底當時嘅政府又有冇計埋香港有幾多人呢？原來喺1841年就有過一次咁樣嘅統計。

喺1841年，英軍就喺港島做過一次人口統計，當中就發現咗一啲好有趣嘅事，當時成個港島嘅中心並唔係今日嘅中環，反而係喺赤柱。根據1841年《中國叢報》公佈香港島人口統計數字，成個港島果陣總共約7,500人。再具體啲就係有20幾條村落，一共就住咗接近4350人，呢班人就被理解成港島上最早期嘅原居民，單單係赤柱就已經有成2000人居民，其實就係有1200嘅掃箕灣都叫做係重大嘅人口聚居地。而呢份統計入面，仲有表明為數唔少嘅人係住喺市場同埋船隻上面。

雖然1841年嘅人口統計人口數量唔算多，但隨住1851年之後太平天國事件以及各種災害，令到1865年香港人口就增至12萬人，上升速度相當快！

原圖嚟自網絡