上次阿史同大家討論過點解會有抗戰嘅講法(或計法),有史友响留言就講咗樣嘢,阿史覺得可以同史友們講多少少。

咁史友响留言講乜呢?就係話中國向日本正式宣戰係1941年,不過我哋以前讀書個陣,都會話中國同日本爆發全面戰爭係1937年,咁點解時間上好似有出入嘅呢?其實國民政府响1937年8月14日公佈《國民政府自衛抗戰聲明書》,雖然表達咗中國要全面對日抗戰嘅決心,但並唔係正式响日本宣戰嘅宣戰書。直至1941年12月日本襲擊珍珠港,太平洋戰爭爆發,美國、英國等正式向日本宣戰,國民政府就响1941年12月9日正式對日宣戰。

原圖嚟自網絡