發哥拍過《華工血淚史》

同「賣豬仔」、「金山客」有關嘅電視劇相信史友們都睇唔少，最印象深刻就當然有《大地恩情》、《萬里長情》呢兩套分別係麗的同大台嘅電視劇，而講到電影，近年就有一套由發哥主演嘅《華工血淚史》。

《華工血淚史》其實早喺七十年代就已經有人打算開拍，當時就有一位著名導演胡金銓用咗唔少時間搵投資者，但直到1997年當佢搵到之後就發現自己有心臟嘅問題，喺手術期間不幸離世，本身係影片監製嘅吳宇森就接手呢部電影。

然而，當時《華工血淚史》因為吳宇森覺得劇本仲未係最好，而遲遲都未開拍。如是者又過咗幾年，吳宇森就收到一份令佢滿意嘅劇本，仲將成部影片嘅拍攝地分成中國內地同埋美國，搵嚟周潤發同埋范冰冰主演，講述一個華工喺異國他鄉艱苦奮鬥、修建鐵路嘅故事。