1954年長江洪水

呢幾日內地嘅水災災情嚴重，長江流域唔少地方都面臨洪水威脅，其中武漢仲進入洪災保衛戰，洪峰仲達到超過98年嘅水災峰位，情況相當令人擔心。而近日嘅災情，就令阿史諗起一場1954年嘅長江洪水。

呢場1954年嘅長江洪水發生喺6月至9月，喺中下游、淮河流域一帶一共有五個省合共123個縣受災，超過4755萬畝農田受淹，受災人口達到1888萬人。災情之中，有接近3萬人死亡，相當慘劇。

呢場水災之中，就以湖北省最為嚴重，據當年程美東《透視當代中國重大突發事件》記載，「湖北省受洪水的影響尤其嚴重。長江流域3,000萬災民，湖北省就占了三分之一。根據相關資料的統計，全省因災死31,762人，死耕畜16,056頭，倒塌房屋2,205,135間，浸濕和沖走糧食6,935,743斤。」而喺湖北省入面，武漢就因為地勢較低而漬水成災，武昌、漢口被洪水圍困百日，京廣鐵路100天未能正常通車。