【講開有段故】民生書院—紀念區澤民、莫幹生而命名


喺九龍城區,有一間歷史悠久嘅傳統名校,既係罕有嘅幼稚園、小學同埋中學一條龍嘅學校,同時都係一間經歷過日佔時期嘅學校,而呢間學校叫做民生書院。


民生書院創校於1926年,以基督教為學校宗教信仰,一睇到個創校年份史友們都會知呢間學校真係有好耐嘅歷史,而當年叫「民生」呢個名亦都係有段故。民生書院最初由一份非官守議員曹善允提倡興建,喺1916年嘅時候,曹善允就同其他商人一同組成啟德營業有限公司,發展九龍寨城對開九龍灣北岸。但係,佢當時就覺得,九龍城居民缺乏接受西學嘅機會,之後就想喺呢區起一間學校。


冇幾耐,曹善允呢個邐法就得到啟德公司創辦人之一區澤民(亦都叫做區德)嘅遺囑餽贈10,000港元,同樣係啟德公司嘅莫幹生亦都捐出10,000港元,令到建校嘅資金籌足。學校喺1926年於啟德濱創辦,而為咗紀念區德(區澤民)、莫幹生兩人對創校嘅貢獻,學校就改名做民生書院,曹善允獲推舉終身出任校董會主席。


講開有講,民生書院當然係出名,而幼稚園就更加巴閉,係全球三所獲德國教育家福祿貝爾認証嘅幼稚園之一。


原圖嚟自網絡