位於大嶼山東北及馬灣之間嘅汲水門,係唔少航道,特別係通往南中國海珠江流域又或者由維港西面嘅必經之路。汲水門又叫做急水門,就咁聽都知其實呢度水流湍急,容易發生意外,於是先由急水門改做「汲水門」,即係汲水無波嘅意思。

早喺明末清初就有屈大均《廣東新語》記載提到急水門,由於汲水門水流急湍,過往有唔少船隻去到馬灣一帶都會發生意外,仲會有死傷。當時嘅村民見到呢個情況,就請咗一位高僧作法寫咗三塊「鎮流碑」,分別放喺大嶼山及馬灣兩岸,希望可以祈求海上平安。馬灣一共就有兩塊碑石,其中一塊就放咗喺馬角嘴,而龍蝦灣原本都有一塊,但就因為倒塌而埋咗喺龍蝦灣沙灘,最後一去就喺大嶼山北面二轉灣。而圖中嘅呢一塊,就係位於龍蝦灣嘅!

原圖嚟自網絡