早排阿史就同史友們講到黃埔船塢嘅歷史,而當香港造船業式微之後,黃埔船塢就同太古船塢去到青妄組成聯合船塢。咁原來喺黃埔嘅船塢土地又點算?就係進行一個大型嘅私人屋苑計劃,叫做黃埔花園。

黃埔花園由和記黃埔屬下地產公司喺1985年至1991年發展落成,主要標磅係中產人士居住,一共有成88座樓宇。由於呢個屋苑喺配套、環境方面都叫做完善,所以就有「香港十大藍籌私人屋苑」嘅稱呼。呢個以花園城市做概念發展嘅屋苑,一共有成10,431個單位,並且住嘅人口超過4萬,以往因為鄰近啟地機場,所以令到樓宇高度有所限制,只能起到第16層。

講開又講,唔單止黃埔地標第一號旱塢舊址船形建築,唔知大家行過黃埔花園第6期對出,有冇見過一枝古炮呢?原來當時喺第9期工程嘅時侯,工人就發現過一尊古炮,經過鑑證後認為係一艘戰艦上丟失,後就立咗出嚟做紀念。

原圖嚟自網絡