細嗰讀中史，都會聽過「春秋五霸」、「戰國七雄」，咁春秋同戰國係點樣分界呢？原來係按照「三家分晉」呢一件事而劃分！

所謂嘅「三家分晉」其實就係指春秋末年發生嘅一件事，當晉國就被韓、趙、魏三家瓜分，但形式上嚟講同一般嘅軍事侵佔又好唔同，於後來嘅韓、趙、魏三國就被稱為「三晉」。喺司馬光編年體史書《資治通鑑》記載，竟指「周威烈王二十三年，初命晉大夫魏斯、趙籍、韓虔為諸侯……」，亦都意味住春秋結束，踏入戰國元年。

周代時期，各國嘅諸侯都會將公室子孫分封做大夫，大夫一有封地就會建立血緣關係嘅屏衛，只係晉國驪姬之亂之後，就冇分封過公子做大夫，令到一度「晉無公族」。後來，晉平公就以「宦卿之適子而為之田，以為公族」，並且扶植唔少異姓嘅大夫，令到當時有唔少氏族好似狐氏、趙氏、先氏、去到後來嘅韓氏、魏氏、欒氏都成為強大嘅氏族，喺春秋中晚期展開幾十年嘅權鬥同埋兼併，晚期就只係得返「晉國六卿」。

春秋末期，「晉國六卿」之間都展開權鬥，先係智、趙、韓、魏四家滅咗范氏、中行氏兩大夫，後來嘅三家趙、韓、魏再聯手滅咗當時最強嘅智氏，達成「三家滅智」。去到周考王七年（前434年），晉哀公死，晉幽公即位。韓、趙、魏瓜分晉國剩低嘅土地，得返絳與曲沃畀晉幽公，從此韓、趙、魏稱為三晉。

原圖嚟自網絡