以前行過銅鑼灣大坑區內，阿史都覺得有條街嘅街名好有畫面好有詩意，呢條就係浣紗街。

浣紗街，位處大坑區內，以前呢一帶都係一條水坑嘅範圍，市民就圍住呢條水坑聚居，喺水利工程未有咁發達嘅時候，水坑就係大家日常生活嘅重要水源。今日嘅浣紗街就係毗鄰一條水坑，當地居民都會喺水邊洗滌窗紗、綢緞材質嘅衣物布料，所以就叫做浣紗街。之不過，呢條大坑明渠後來就因為城市發展同埋填海工程，1960年代慢慢轉咗做暗渠，明渠上游就係浣紗街。

除咗呢段過去，今時今日嘅浣紗街仲有一個特別嘅意義，就係大坑舞火龍！每逢中秋節前夕，呢度都會係大坑舞火龍嘅重要儀式場地，要睇火龍就會嚟到浣紗街，亦都因為咁大坑都有個新地標，叫做火龍徑，史友們如果之有時間都可以入去睇一睇！

原圖嚟自網絡