提早期嘅公屋政策、市區改善計劃又或者新市鎮嘅發展，都會有一個人名經常出現，佢雖然係英國人，但據講係可以講到一口流利嘅廣東話，而阿史今次想介紹嘅人就係前香港布政司——鍾逸傑。

鍾逸傑（Sir David Akers-Jones），係香港政府嘅前官僚，曾經喺1985至1987年間出任過布政司，後來亦都喺1986年因為港督尤德外訪期間突然病逝而喺1986年12月至1987年4月出任署理香港總督。

1927年出生嘅鍾逸傑一生都真係幾傳奇，年幼嘅時間其實係喺英印郵輪公司做學徒，後來返到英國進修仲拎埋牛津大學嘅文學碩士學位。喺1954年至1957年間，佢就曾經到過馬來亞做過民政署長，當時就學識閩南話同埋馬來語，鍾逸傑亦都係當時所改。

直至馬來亞獨立之後，佢就嚟到香港，喺1959年至1967年間分別喺荃灣、離島同埋元朗做過理民官，出任埋新界民政署署長、政務司等等，為香港土地同埋地政事務作出唔少意見，包括後來沙田新市鎮嘅發展。鍾逸傑所做嘅事當然唔止咁，佢曾經以足總副主席身份到訪過中國，係首名英屬香港政府官員到訪。

講到鍾逸傑最廣為人知嘅一件事，就係喺港督尤德爵士出訪北京期間突然病逝後，佢臨危受命以布政司身份出任署理港督一職，直到衛奕信爵士上任為止。而喺香港主權移交問題上，鍾逸傑亦都係港事顧問，係第一任行政長官推選委員會委員，當時呢個消息真係嚇親唔少英國人。

2019年9月30日，鍾逸傑喺伊利沙伯醫院逝世，終年92歲。

原圖嚟自網絡