1926年7月19日，呢日係香港歷史上係單日雨量最高嘅一日，一共有534.1毫米。喺呢個咁誇張嘅紀錄背後，其實都意味住當年呢場暴雨對香港造成幾嚴重嘅破壞。

喺1926年嘅今日，經歷完颱風吹襲緊接而嚟嘅就係暴雨，呢次仲刷新咗自1884年以嚟單日最高雨量嘅紀錄，就咁講直接影響，就已經令到最少5人死亡、2人失蹤，仲令到當時唔少工程同埋資產受到破壞。

早年天文台嘅記錄就指出，暴雨喺凌晨時分雨勢最大，達到每小時雨量100.7毫米，成多宗山泥傾瀉及水浸，道路被淹沒或沖毀，連山頂纜車都需要停駛一個星期。唔單止咁，當時喺薄扶林有一塊重達3000噸巨石沖埋落水泵站，仲有洪水發生，有市民直接被雷電擊中，一日之內香港就係經歷唔少災害。

原圖嚟自網絡